«Ақерке» балалар залы кітапхананың құрылымдық бөлімшесі болып табылады.
«Ақерке» балалар залының мақсаты: жастайынан балаларды қазақтың ертегі-аңыздарын, батырлар жырын тыңдауға, оқуға баулу, бос уақыттарын тиімді өткізуге жағдай жасау. Бөлімнің оқырмандары: 5 жас пен 15 жас аралығындағы балалар.
Аталмыш зал балаларға арналған жиһаздармен жабдықталған. 5 пен 7 жас аралығындағы балалар кітаптан тез жалығатыны да ескеріліп, бір сәт секіріп ойнау үшін де жағдай жасалынған.
Сондай-ақ, «Ақерке» балалар залында танымдық-тақырыптық кештер, түрлі сайыстар, викториналық ойындар және тағы да басқа көптеген іс-шаралар өткізіледі. 2016 жылдың соңында Әл-Фараби атындағы ғылыми-әмбебап кітапханасы мен «Оңтүстік фильм» мекемесі балаларға кино көрсету бойынша екі жақты меморандумға қол қойған. Осы меморандум аясында балаларға арналған фильмдер көрсетіліп тұрады.
- Қазақстан Республикасы Президентінің «Қазақстан-2050», «Нұрлы жол» бағдарламаларын және кезекті жолдауын басшылыққа ала отырып, өскелең ұрпаққа насихаттау, қоғамдық-саяси мазмұнды іс-шаралар ұйымдастыру;
- «Мәңгілік ел» тақырыбында оқырмандарға қызмет көрсету жұмысының әртүрлі құралдарын, нысандары мен әдістерін қолдана отырып, кітапты насихаттауды қамтамасыз ету, кітап көрмелерін ұйымдастыру;
- балалар залының кітап қорын сақтау және жаңа кітаптармен толықтыру;
- бұқаралық ақпарат құралдары және басқа да қоғамдық орталықтармен бірлесіп «Ақерке» балалар залының жұмысын жарнамалау;
- мерзімді басылымдар секторы қорындағы балаларға арналған басылымдарды насихаттау.
