Абонемент секторының мақсаты:
қала халқының мәденитетінің өркендеп өсуін, тілдің дамуын, рухани байлығын және кітапқа деген қызығушылығын арттыру мақсатында кітаптханалардағы бай мұраларды халыққа жүйелі, кәсіби түрде жеткізу.
Қала тұрғындарының барлық категориясына кәсіби қызмет көрсету;
Бұқаралық ақпарат құралдарымен, қоғамдық ұйымдармен, ЖОО және колледж студенттерімен тығыз байланыста жұмыс істеу;
«Мұрагер» мүдделестер клубының мүшелерімен бірлесіп іс-шаралар: әдеби, музыкалық кештер пікір-сайыс кештері мен дөңгелек үстелдер ұйымдастыру; жылжымалы кітап пункттерімен жұмыс жасау.
Абонемент секторында оқырмандардың жас ерекшелігіне шектеу жоқ. Олар мектеп оқушысынан бастап зейнеткерлерге дейін және ғылыми қызметкерлер әртүрлі маман иелері, жұмысшылар, студенттер т.б.
Бөлімде білім салалары бойынша тарих, саясаттану, әлеуметтану әдебиеттану, экономика, заңтану, медицина, мәдениеттану, психология, педагогика, философия, көркем әдебиеттер бар және антикалық әдебиет, әлемдік классика, әлем әдебиеттерінің аудармалары, орыс классиктерінің шығармалары, ТМД елдерінің ақын-жазушыларының шығармаларының аудармалары, Қазақ ақын-жазушыларының шығармалары, балалар әдебиеті, ОҚО ақын-жазушыларының шығармалары бар. Қала тұрғындары мен облыс жұртшылығы кітапхананың абонемент бөлімінен үйге кітап алып оқи алады. Сондай-ақ абонемент секторында оқырмандар қызығушылығына қарай мүдделестер клубы жұмыс жасайды. «Мұрагер» клубы тоқсанына бір рет қазақ классиктерінің мерейтойларына арналған әдеби, музыкалық кештер ұйымдастырады. Кешке қатысу барысында клуб мүшелері және оның қонақтары мен танысып белгілі бір тақырып бойынша өз ойларын ортаға сала алады.
