Кітапханамызда Қазақстаның Құрметті журналисі, жазушы, «Құрмет белгісі» орденінің иегері Байдулла Қонысбектің туылғанына 85 жыл толуына орай «Оңтүстік журналистикасының атасы» тақырыбындағы еске алу кеші өтті.
Іс-шара кітапхана директоры, филология ғылымдарының кандидаты Жаппарқұлова Анар Абусайылқызының алғы сөзімен басталды.
Кеш қонақтары жазушылар, журналистер Захардин Қыстаубаев, Сенбек Ералы, Сабырбек Олжабай, Асхан Майлыбаева, Гүлсара Қуанышбаева сондай-ақ, бауыры Халилулла Битабаров, қызы Гүлім Байдуллақызы келіні Гульнара Айткулова қатысқан іс-шарада журналистің өмір жолы мен еселі еңбегін айтып, тұлғаның қиын-қыстау уақытқа қарамай «Оңтүстік» телеарнасын ашып игілікті істерді насихаттауға, зиялы қауым өкілі ретінде елдің ынтымағы мен бірлігін насихаттауға өз үлесін қосқаны айтылды.
М.Әуезов атындағы ОҚЗУ-нің журналистика мамандығының студенттері баяндама жасап, арнауларын оқыды.
Кеш модераторы - Қазақстанның Құрметті журналисі Бақтияр Тайжан қазақ журналистикасында Байдулла Қонысбектің өшпес із қалдырғаны жайында естеліктерден сыр шертіп, іс шараның тағылымды өткізілуіне ұйытқы болды.
https://www.facebook.com/share/r/1JJVx4mC1a/
