ҚАЗАҚ ТІЛІ - ҰЛЫ ДАЛАНЫҢ ҰЛТАРАЛЫҚ ТІЛІ
5 қыркүйек - Қазақстан халқы тілдері күні мерекесі. Шымкент қаласы әкімдігінің қолдауымен Концерттік-көрме орталығында «ҚАЗАҚ ТІЛІ ҰЛЫ ДАЛАНЫҢ ҰЛТАРАЛЫҚ ТІЛІ» тақырыбында форум басталды.
Қала әкімінің орынбасары Сәрсен Абайұлы ҚҰРАНБЕКТІҢ алғысөзімен ашылған форум, тіл жанашырларының баяндамасымен жалғасып жатыр.
Форумның басты мақсаты - мемлекеттік тілдің қоғамдағы рөлін айқындап, әр азаматтың тілге деген сүйіспеншілігін арттыру, тіл мәдениетін көтеру және тіл саясатын жүзеге асырудағы озық ойларды ортаға салу.
Тіл мерекесінің 5 қыркүйек болып белгіленуінің өзіндік себебі бар. Бұл күн - «Ұлттың сақталуына да, жоғалуына да себеп болатын нәрсенің қуаттысы - тіл» - деп ұлағатты сөз қалдырған, қазақ халқының тағдыры, тілі үшін күрескен Алаш арысы, Ұлт ұстазы Ахмет Байтұрсынұлының туған күні.
Тіл саясатының басты міндеттерінің бірі - мемлекеттік тілдің қолданылу аясын кеңейту, оның мемлекеттік басқару тілі ретіндегі рөлін нығайту болып табылады.
Модератор: белгілі журналист, ҚАЗАҚ ТІЛІ қорының Шымкент қаласындағы филиал төрағасы Ерсұлтан ӘМІРБЕК.
