Қазақ музыкалық мәдениетіне, саз өнерінің өркендеуіне өлшеусіз үлес қосқан, артына өшпес мол мұра қалдырған, дәулескер күйші, қазақтың әйгілі композиторы Нұрғиса Тілендиевтің туғанына - 100 жыл толуына орай «Қазақ сазының жарқын жұлдызы» атты сазды кеш өтті.
Кешті дәстүрлі әнші Тәттімбет Керей жүргізді.
Саз әлемінде өзіндік орны бар Нұрғиса Тілендиевтің шығармалары «Әлқисса», «Аққу», «Жекпе-жек», «Баламишка» күйлерін қазақ ұлттық аспаптар оркестрі аса шеберлікпен орындаса, ал әдет-ғұрып және салт-дәстүр орталығының әншілері композитордың «Әке туралы жыр» және «Алатау» әндерін нақышына келтіріп шырқап берді.
Сонымен қатар экран арқылы Нұрғиса Тілендиевтің өмірбаяны туралы қысқаша бейнеролик көрсетілді және М.Әуезов атындағы Оңтүстік Қазақстан университетінің аға оқытушысы Серікбаева Қалдыкүл Қармантайқызы композитордың ерекше тұстары жайлы қысқаша мәліметтер баяндап берді.
Мерейтой иесіне арнайы жасақталған кітап көрмесіне композитордың өмірінен сыр шертетін суреттер, өмірбаянына қатысты естеліктер, кітаптар қойылды.
Ән мен күйге өрілген бұл кеш, тамаша өтті.
