Құрметті кітапсүйер қауым!
Кітапханамыздың Сирек кітаптар қорының «Қолтаңбалар мен қолжазбалар» топтамасы қазақ тарихынан сыр шертетін құнды дүниемен толықты.
Қазақ тарихы ғылымына өзіндік үлесін қосып жүрген 140-тан астам ғылыми, ғылыми-әдістемелік мақалалардың, 10-нан астам оқулықтар мен оқу құралдардың, 2 монографияның, олардың арасында импак-факторы бар шетелдік баспаларда жарық көрген мақалалардың авторы М.Әуезов атындағы ОҚУ колледжінің директоры, тарих ғылымдарының докторы, профессор Сейдехан Әлібек «Алаш рухының жаршысы - Сейілбек Үсенов» атты кітабын авторлық қолтаңбасымен кітапхана қорына сыйға тартты.
Тарихшы-ғалымдарға, магистранттарға, студенттерге және көпшілік оқырманға арналған кітапта өткен ғасырдың 20-30 жылдарындағы саяси қуғын-сүргін кезіндегі қазақ халқының болашағы үшін ерен еңбек еткен қайраткердің өмір жолы мен саяси қызметі жазылған.
