Жаңалықтар

Құрметті оқырмандар!

М.И. Рудомино атындағы Бүкілресейлік мемлекеттік шетел әдебиеттері кітапханасы Ұлы Отан соғысының 80-жылдығына орай «Защитники отечества в наших родословных» атты халықаралық акциясына қатысуға шақырады.

Акцияға 7-ден 17 жасқа дейінгі балалар мен жасөспірімдер, олардың отбасы мүшелері, мұғалімдер, қосымша білім беру педагогтері, кітапханашылар, жастар ұйымдарының өкілдері қатыса алады. 

Акцияның мақсаты: отбасылық архивтен, ата-апаларымыздың әңгімелері негізінде екінші дүниежүзілік соғысқа қатысқан ата-бабаларымыз туралы ақпарат жинау.

Акция мерзімі: 2025 жылдың ақпан-қыркүйек айлары аралығы.

Акцияға қатысу үшін оқиғаны төмендегі форматта дайындау ұсынылады:  бейне-ролик, слайд-шоу, презентация, PDF форматындағы құжат.

 Қатысушылар дайын оқиғаны өздерінің әлеуметтік желідегі парақшасына #OurAncestry_VGBIL2025 немесе  #НашиЗащитники_ВГБИЛ2025 хэштегімен  жариялайды. Сондай-ақ, ұйымдастырушыларға international@libfl.ru мекенжайына жіберуі керек.