АЛҒЫС АРҚАЛАҒАН КҮН
Сүйінші, ОҚЫРМАН!
“Мәскеудегі ҚазҰМА” қоғамдық ұйымының президенті Айшат Шарыбайқызы БАЙҒАЗИЕВА ханымның арнайы Алғыс хаты жетті.
Қоғамдық ұйым президенті Айшат Шарыбайқызы кітапхана директоры, ф.ғ.к. Анар Абусайылқызын кітапхана басқару ісінде озық нәтижелерге қол жеткізіп, жан-жақты дамуына қосқан ұлан-ғайыр үлесі үшін, әдебиет пен мәдениет саласына сіңірген еңбегі мен кітапхананы білім мен мәдениетті дамытудың ірі орталығына айналдырғаны үшін арнайы АЛҒЫС ХАТПЕН марапаттады.
Сондай-ақ, “Мәскеудегі Қазақ ұлттық мәдени Автономиясы” қоғамдық бірлестігінің 2013-2015 жылдар аралығындағы президенті Тұрсынай Оразбайқызының туғанына 75 жыл толуы қарсаңындағы мерей тойына арналған шығармашылық кештің табысты ұйымдастырылуына қосқан зор үлесі үшін кітапхана ұжымына алғыс білдірді.
Мегаполис тұрғындары мен қонақтарының білім орталығына айналған кітапханамыз бен кітапхана директорына білдірген ілтипаты үшін, қала мәдениеті мен білім беру саласындағы ұжымның еңбегін елеп-ескерген “Мәскеудегі ҚазҰМА” қоғамдық бірлестігіне ризашылығымызды білдіреміз!
