ТҮНГІ КІТАПХАНА
Бүгін кітапханамызда Шымкент қаласы әкімдігі мен Мәдениет, тілдерді дамыту және архивтер басқармасының қолдауымен “ТҮНГІ КІТАПХАНА” жобасы аясында жазушы Жәудір Нартайдың шығармашылығын талдау кеші өтті.
Шараға қаламгердің шығармашылығымен етене таныс әдебиет сүйер қауым, кейінгі толқын ақын-жазушылар мен оқырмандар, кітапханашылар қатысты.
Кешті кітапхана директорының орынбасары Гүлмира Батырбайқызы ашып, жазушының шығармаларын оқып тұратынын, алдағы уақытта оқырман қауымды тың дүниелерімен қуантуға тілектестігін жеткізді.
Еліміздің алдыңғы қатарлы газеттері мен әдеби сайттарға жарияланған әңгімелерін үзбей оқитын белгілі журналист Пернебай Сапар сөз алып, жазушының өзіндік стилі қалыптасқан қадамына сәттілік тіледі.
Кітапханамыздың көпшілік іс-шаралар секторының басшысы Айгерім Алдабергенова жазушының бір қатар шығармаларын талдап, көпшілік қауымға кеңінен таныстырып өтті.
Алдағы уақытта авторлық кітап шығаратынын мәлімдеген жазушы, шығармашылығы мен отбасы туралы ашық сұқбаттасыи отырды.
Кеш модераторы - кітапхана қызметкері, айтыскер ақын Мейіржан Жақып.
