2 ақпан – Ұлттық басылым күніне орай «Ұлттық басылым – ұлттың келешегі» тақырыбындағы кітапханамызда көрнекті журналистермен кездесу кеші өтті.
Кездесуге көрнекті журналист, руханият және спорт жанашыры, «Парасат» орденінің иегері Бақтияр Байдуллаұлы Тайжан, «Серпіліс» қоғамдық қорының президенті, «Ақылдым» журналының директоры, «Қызмет» газетінің бас редакторы, журналист Бейсенкүл Нарымбетова, «Оңтүстік Рабат» газетінің бас редакторы Гүлжан Жұмашқызы Көшерова, «Оңтүстік Қазақстан» газетінің журналисі Пернебай Сапар және «Рейтинг» газетінің журналисі, ақын Сезім Мергенбай қатысты.
Кәсіби журналистер Ұлттық басылымның қоғамдағы рөлін айқындап, өзекті оқиғаларды талдап, сараптап, қоғамдағы түйіткіл дүниелерді көтеру сынды бүгінгі басылымдардың міндеттерін қалың оқырманға тереңірек таныстырып, кеңінен ақпарат берді.
С.Ерубаев атындағы №24 ІТ мектеп-лицейінің оқушысы, 2024 «Үздік жастар премиясы» байқауының «Үздік оқушы» номинациясының жеңімпазы, Республикалық «Абай оқуларының», «І.Жансүгіров оқуларының» жүлдегері, Батырхан Байданов журналистерді мерекемен құтықтап, А.Құнанбаевтың «Сегіз аяқ» әнін орындады.
Шараны кітапхана қызметкері, республикалық айтыстардың жеңімпазы Мейіржан Жақып жүргізді.
