ҚҰТТЫҚТАЙМЫЗ
Өзбекәлі Жәнібеков атындағы Оңтүстік Қазақстан педагогикалық университетінің Басқарма төрағасы - Ректор міндетін атқарушы, тарих ғылымдарының кандидаты, доцент Гүлжан Дәулетбекққызы Сүгірбаева ханымды бүгінгі туған күнімен шын жүректен құттықтаймыз!
Құрметті Гүлжан Дәулетбекқызы!
Сіз басқарып отырған ұстаздар ұстаханасы – ұлтжанды, білімді, тәрбиелі, болашағы жарқын жастарды тәрбиелейтін шынайы білім ордасы. Университет қабырғасында адалдық, іске ұқыптылық, ұлтқа деген сүйіспеншілік сынды биік құндылықтар берік орныққан.
87 жылдық тарихы бар Ө.Жәнібеков атындағы ОҚПУ түлектері еліміздің түрлі салаларында елеулі қызмет атқарып, абырой биігінен көрініп келеді. Олардың қатарында біздің кітапхана қызметкерлері де бар екенін зор мақтанышпен атап өтеміз.
Әл-Фараби атындағы қалалық ғылыми-әмбебап кітапханасы мен ОҚПУ арасындағы шығармашылық байланыс жыл өткен сайын нығайып, жаңа серпінге ие болуда.
Гүлжан Дәулетбекқызы, сізге мықты денсаулық, сарқылмас күш-қуат, шығармашылық табыс және отбасылық бақыт тілейміз. Мерейіңіз үстем, мәртебеңіз жоғары болсын!
