МОБИЛЬДІ СМАРТ КІТАПХАНА 
Жастар тек телефонға телміре бере ме? Бәсекелесімізді қалай серіктесімізге айналдырамыз?
Ғаламтордағы қазақ тілді контентті көбейту!
Көркем кітапты қолжетімді ету!
Осы сұрақтар толғандырған Әл-Фараби кітапханасы көпшілікті кітап оқуға тарту, кітап оқуды қолжетімді ету мақсатында халық көп шоғырланған қала аялдамаларында ЦИФРЛЫҚ СӨРЕЛЕР орналастырды.
Қазіргі заманауи кітапсүйер жастар қауымы кітаптарды электронды түрде де оқығанды ұнатады. Қазіргі қауырт заманда бұл кейбір жастарға жедел, тиімді әрі ыңғайлы.
QR-кітапханада негізінен жергілікті авторлардың көркем шығармалары ұсынылған. Қаламгерлермен Авторлық шартқа тұрып, қолға алынған бұл инновациялы жоба жалғасын табуда.
Оқырман интернеттен тегін QR код ридер қосымшасын жүктеп алып, кейін ұялы телефонының камерасын кітаптың QR-кодына бағыттау арқылы ұнаған шығармаларды электронды түрде ақысыз көшіріп ала алады. Сондай-ақ, бұл кітаптарды тікелей кітапхана сайтынан да жүктеп алуға болады.
https://www.facebook.com/100064780246885/videos/360983443740941/
