Кітапханамызда 10 қараша — Дүниежүзілік жастар күніне орай «Жарқын жастық – баянды болашақ» атты дөңгелек үстел өтті.
Шараны кітапхана директорының орынбасары Алпысбаева Гүлмира Батырбайқызы ашып беріп, жастарды болашаққа деген сенімге, белсенділікке, мәдениетке, кітап оқуға шақыра отырып, жастардың қоғамдағы белсенділігін арттыру жайында ой қозғады.
Дөңгелек үстелге Шымкент қаласы «Жастар ресурстық орталығы» КММ-нің басшы орынбасары Әлжан Аружан Русланқызы,
Ө.Жәнібеков атындағы ОҚПУ- нің жанынан құрылған «ALQA» әдеби бірлестігі мен белсенді жастар қатысты.
Шара барысында қазақ әдебиетіне өзгеше өрнек, ғажайып сыр-сипат алып келген көрнекті жазушы Бердібек Ыдырысұлы Соқпақпаевтың «Менің атым Қожа» шығармасы талқыланды.
Дөңгелек үстелдің модераторы — кітапхана қызметкері Санат Еңсебекұлы.
