ӘЛ-ФАРАБИ КІТАПХАНАСЫНДА ӘДІСТЕМЕЛІК САБАҚ ӨТТІ
11 қараша күні Әл-Фараби атындағы қалалық ғылыми-әмбебап кітапханасында кітапханалық қызметті жетілдіру, кітапханааралық ынтымақтастықты дамыту мақсатында «Кітапхана көрсеткіштері есебінің жаңартылған талаптары» атты қалалық кітапхана әдіскерлеріне арналған әдістемелік сабақ өтті.
Әдістемелік сабаққа қала кітапханаларының әдіскерлері мен жас кітапханашылары қатысты. Әдістемелік сабақта Әл-Фараби атындағы қалалық ғылыми-әмбебап кітапханасының директор орынбасары Алпысбаева Гүлмира Батырбайқызы IFLA туралы, кітапхананы дамыту бөлімінің басшысы Қалтаева Лаззат Мухамеджанқызы Қазақстандық кітапханалық одақтың Түркістан қаласында өткен көшпелі отырысы, кітапхана көрсеткіштері есебінің жаңартылған талаптары бойынша, көрмелік-бұқаралық іс-шаралар секторының басшысы Алдабергенова Айгерім жас кітапханашылар жайында баяндама жасады.
Шара барысында әдіскерлермен жаңартылған кестелердің толтыру жолдары талқыланып, әдістемелік кеңестер мен ұсыныстар берілді. Сондай-ақ, қалалық жас кітапханашылар ұйымы құрылып, мүшелері сайланды. Республикалық «Бір ел-бір кітап» акциясы аясында жыл кітабы атанған балалар жазушысы Б.Соқпақбаевтың «Менің атым Қожа» повесті бойынша Kahoot бағдарламасында викториналық ойын ұйымдастырылып жеңімпаз кітапханашыға сыйлық табысталды.
