ӨНЕРЛІНІҢ ӨРІСІ КЕҢ
Кітапханамызда суретші, өнертану ғылымдарының докторы Ділдабай Кемешев 65 жасқа толуына орай «Өнерлінің өрісі кең» тақырыбындағы кездесу кеші өтті.
Кездесу кешінде педагогика ғылымдарының кандидаты, доцент, суретші, кескіндемеші Сұлтанбек Жаңбыршиев мерейтой иесіне құттықтау ыстық лебізін білдіріп, өзінің шығармашылығын оқырмандарға таныстырды.
Кеш барысында қонақтарымызға кітапхана қызметкері Қынатова Анар ханым «Ағаларым» әнін шырқап берсе, ал Ділдабай ағамыздың шәкірті Серікбол Нәзерке оқырмандарға бейнелеу өнерінің тылсым сырлары жайлы әңгімелеп берді.
Кеш соңында мерейтой иесі Ділдабай Кемешев және Сұлтанбек Жаңбыршиев ағаларымыз кітапхана ұжымына алғыс білдіріп, бір кітабын және өздерінің шығармашылықтарынан суреттерін кітапханаға сыйға тарту етті.
Бүгінгі кеш жас ұрпақ үшін өнеге мен тағылымға толы болды!
