БІЗДІҢ КІТАПХАНАҒА 10 ЖЫЛ
Шымкент қаласы әкімдігінің және Мәдениет, тілдерді дамыту және архивтер басқармасының қолдауымен Әл-Фараби атындағы қалалық ғылыми-әмбебап кітапханасының ашылғанына 10 жыл толуына және 24 қазан - Кітапханашылар күні мерекесіне орай кітапханамызда “КІТАПХАНА - ӨРКЕНИЕТ МҰРАСЫ” атты ғылыми конференция өткізілді.
Шырайлы шаһардың ең әлеуетті мәдени-ақпараттық орталықтарының біріне айналған кітапхананың мерейтойына Астана қаласындағы Ұлттық Академиялық Кітапхана басшысы Ғазиза Құдайберген мен Алматыдағы Қазақстан Республикасының Ұлттық кітапханасы директоры Бакытжамал Оспанова ханымдар арнайы құттықтап келді.
Шарамызды қала әкімінің орынбасары Сәрсен Абайұлы ашып беріп, қала әкімі Ғабит Әбдімәжитұлының құттықтау хатын тапсырды.
Рухани ордамыздың “Әл-Фараби” атын алуына үлес қосқан Фарабитанушы ғалым, профессор, философия ғылымдарының докторы Жақыпбек Алтаев кітапханамызды мерейтойымен құттықтап, ғұлама ғалымның өмірі мен еңбектерінен біршама естеліктер айтты. Еліміздің әр өңіріндегі кітапханалардан әріптестер, қонақтар келіп, шарамыздың ауқымын арттырды.
Модераторы белгілі ғалым, философия ғылымдарының кандидаты Сәкен Аралбайұлы Мәжінбеков ғылыми конференцияны өз деңгейінде жүргізіп отырды.
Шараның екінші бөлімінде кітапханашы мамандарымыздың, оқырмандарымыздың қатысуымен әдеби-сазды мерекелік концерт қойылды.
Мерейгер кітапханамызды құттықтап келген баршаңызға алғыс айтамыз! Кітапхана саласы дамып, оқырмандарымыз көбейе берсін!
