Құрметті кітап сүйер қауым!
Назарларыңызға кітапханамыздың Сирек кітаптар қорының «Қолтаңбалар мен қолжазбалар» топтамасынан Ғ. Мүсірепов атындағы әдеби сыйлықтың иегері, мәдениет қайраткері, жазушы Күлия Айдарбекованың «Әкеге құрмет» атты кітабын ұсынамыз.
Жазушының бұл шығармасы Тәуелсіздік жылдарындағы қазақ прозасында өз айтары бар, ұлттық идеяны танытатын шығарма.
Мұндағы ізгілік пен мейірімге толы толғаныстар әр адамды ойландырады, толғандырады. Ата-ана мен перзент арасындағы қарым-қатынастардың тәрбиелік мәнін ашып, оқырман жүрегіне ізгілік дәнін себеді. Кітап көпшілік оқырманға арналған.
