«KITAPTIME-2024» lll ЖАЛПЫ РЕСПУБЛИКАЛЫҚ КІТАП ФЕСТИВАЛІ
ҚР Ұлттық академиялық кітапханасының бастамасымен 20 қыркүйек күні Әл-Фараби атындағы ғылыми-әмбебап кітапханасында «KitapTime – 2024» ІІІ жалпы республикалық кітап фестивалінің аясында “Кітап оқу - озық ойлы ұлт болу” тақырыбында кеңейтілген кітап көрмесі көпшілікке таныстырылды.
Сондай-ақ, әдеби композиция орындалып, зиялы қауым өкілдері сөз алды. Кітапхана басшысы А.Абусайылқызы кітап мерекесімен барша қонақтарды құттықтады.
Республика көлемінде тойланып жатқан кітап мерекесінің салтанатты ашылуы ҚР мәдениет қайраткері Б.Пірімбетовтің “Алыс та жақын жылдарым” атты кітабының тұсаукесерімен жалғасты.
Кешті Шымкент қаласы әкімінің бірінші орынбасары С.Абайұлы мен Шымкент қалалық мәслихатының төрағасы Б.Мәдәліұлы ашты. Шара барысында мәдениет, өнер майталмандары өз пікірлерін айтты. Ән шырқалып, арнайы дайындалған видео ролик көрсетілді.
