МЫҚТЫ ҚАЗАҚСТАН – БІЗДІҢ ОРТАҚ МАҚСАТЫМЫЗ!
Бүгін Әл-Фараби атындағы қалалық ғылыми-әмбебап кітапханасында «МЫҚТЫ ҚАЗАҚСТАН – БІЗДІҢ ОРТАҚ МАҚСАТЫМЫЗ!» тақырыбында зиялы қауым өкілдерінің, ел жанашырлары мен кітапхана ұжымының қатысуымен АЭС салу мәселесін талқылау кеші өтті.
Талқылау кешіне Л.Гумилев атындағы ЕҰУ-нің «Ядролық физика» факультетінің түлегі Нұрсұлтан Қожамсүгіров, фантаст-жазушы Сарманбай Исақ, суретші, Шымкент қаласы суретшілер одағының төрағасы Әбдумүтәліп Ахметов, ҚР Журналистер одағының мүшесі, ақын Пернеш Есенбеков, журналист Базаркүл Қалбыр, кітапхана директоры, ф.ғ.к., ақын Анар Абусайылқызы Жаппарқұлова, «Қаратау» дәстүрлі өнер мектебінің директоры, қалалық қоғамдық кеңес мүшесі Біржан Байтуов, М.Әуезов атындағы ОҚУ-дың оқытушысы, саясаттанушы Нұрлыбек Жолдасбекұлы Досыбай, №62 Н.Төреқұлов атындағы жалпы орта мектебінің тарих пәнінің мұғалімі Берік Ералиев қатысты.
Талқылауда АЭС-тың салыну мәселесі кеңінен айтылып, қатысушылар өзара ой бөлісіп, пікір таластырды.
Талқылау отырысының модераторы - кітапхана директорының орынбасары Гүлмира Батырбайқызы Алпысбаева.
