Қымбатты кітап сүйер қауым!
Кітапханамыздың «Өнер әдебиеті» бөліміне келіп түскен жаңа кітаптармен таныс болыңыздар.
«Актер шеберлігінің элементтері» Оразхан Кенжебаевтың кітабы, оқулық автор сахнадағы актердің кейіпкерге айналуы үшін ең әуелі актер шеберлігінің элементтерін толық меңгеру қажеттігін түсіндірген.
«Витраж өнері» оқу-әдістемелік құрал. Б. С. Тұрғанбай «Витраж» пәніне арналып «Монументалды кескіндеме» білім беру бағдарламалары негізінде құрастырылған және көрнекі суреттермен толықтырылған.
«Әлем театрының тарихы». Театр өнерінің әр ғасырдағы даму өзгешеліктері, басты бағыттары мен тенденциялары айқын көрсетілген.
«Сахна сайысы өнері» А.Б.Құлбаев. Кітап үш тараудан және әдістемелік сілтемелер, глоссарийден тұрады. Оқулық өнер мектебіндегі ұстаздар мен студенттерге арналған.
«Экспозиция дизайнының негіздері» оқулық. Оқулықта «Экспо дизайн» пәнінен алған теориялық білімдерін және тәжірибелік дағдыларын бекітуге арналған нұсқаулық мәліметтер қамтылған.
«Пьесадан қойылымға дейін» Ә.Рахимов. Автордың бұл еңбегі үш бөлімнен тұрғанымен ортақ тақырыпты қамтитын - театр өнерінің биік мұраты туралы еңбек.
