Танысыңыздар жаңа кітап!
Әл-Фараби атындағы қалалық ғылыми-әмбебап кітапханасының қоры жуырда ғана «Асқаралы» баспасынан шыққан белгілі жазушы, қаламгер Шойбек Орынбайдың «Жалындай жарқылдаған ер Жолан» атты кітабымен толықты.
Кітапта ұлтымыздың мемлекет болып қалыптасуындағы өте ауыр кезеңдері арқау етілген. Қазақ халқы қиын тағдыр талқысына түскен кезде ержүрек ерлер алпауыт елдермен арым-қатынас жасау мақсатында елшілікке аттанды. Аса маңызды бұл іске әрі батыл да батыр жандар таңдалып, соларға ел сенімі жүктелді. Солардың бірі – Жолан батыр еді. Ол Қытай жазбаларында Төлебиұлы Жалун батур деген атпен әйгілі болған тарихи тұлға.
Жазушы Шойбек Орынбайдың осы кітапқа енген романы «Қайғы заман немесе Төле би тағдыры» атты шығарманың жалғасы және аталмыш трилогияның соңғы томы деуге болады.
Сонымен қоса, кітапта қазақ елінің дамуына елеулі еңбектері сіңген Жолан бабаның ұрпақтары және Жолан баба ұрпақтарының шежіресі жазылған.
Автордың жаңа туындысын кітапхана оқырмандары жылы қабылдап, қызығып оқиды деген пікірдеміз.
