Ақын, жазушы Баян Тіленшина 75 жаста

Ақын, жазушы Баян Тіленшина 75 жаста

Кітапхананың «Оқу залы» секторының ұйымдастыруымен ақын, жазушы, М.Х.Дулати атындағы Халықаралық сыйлықтың иегері Баян Тіленшинаның туғанына 75 – жыл толуына «Көмештен шыққан жыр жұлдыз» атты шығармашылық кеш өтті.

Кітапхана қызметкері, айтыскер ақын Мейіржан Жарылқап жыр кешін өз арнауымен ашты. Шығармашылық кешке Қабылбек Төретай, Сабырбек Нұрман сынды ақындар, журналист Несіпкүл Өтебаева, сазгер Жұпаркүл Бекшораева мен ақынның бауырлары қатысып, кеш кейіпкерінің өмірі мен шығармашылығы жайлы ойларын ортаға салды.

Кеште Б.Тіленшинаның өмірі мен еңбектері жайлы жасалған кеңейтілген кітап көрмесі таныстырылып, бейнефильм көрсетілді.

Жазушы, ф.ғ.к., доцент Зылиха Жантасова кешті жүргізіп, кітапхана қызметкерлері Баян Керімқызының жырларын оқыды.