ЖАСАЙ БЕР, АНА ТІЛІМ - ҚАЗАҚ ТІЛІ
Кітапханамызда 5 қыркүйек - Қазақстан халқының тілдері күніне орай мемлекеттік тілін меңгерген өзге ұлт өкілдерімен кездесу кеші өтті.
Шараны кітапхана директорының орынбасары Алпысбаева Гүлмира Батырбайқызы ашып берді.
Шараға Қазақстан Республикасының өзбек ұлты «Достық» қауымдастығының төрағасы Хашимжанов Икрам Акрамұлы, №107 мектеп лицейінің директоры Имамсидиков Надирхан Артукходжаевич, «Мирас» университетінің кітапхана меңгерушісі Ким Людмила Ивановна, ОҚПУ 1 курс студенті, Шымкент қалалық шешен-ингуш этно-мәдени бірлестігі жанындағы жастар қанатының мүшесі Садуева Диана Хамзатовна қатысып, өздерінің қазақ тілін жақсы меңгергендерін көрсетіп, қазақ тілінің көркемдігі туралы баяндады.
№130 жалпы орта мектебінің оқушылары әдеби композиция орындап, «Нұрсәт» өнер мектебінің оқушылары мен №77 мектеп лицейінің оқушысы Інжу Сейдахмет өз өнерлерін көрсетті.
