«МЕН – АНАМЫН, АҚЫНМЫН, ӘЛЕМДІ ОЙЛАР…»
Халықаралық «Алаш» сыйлығының, «Барыс» және «Парасат» ордендерінің, Есенин атындағы алтын медальдің иегері, жазушы, ақын Ханбибі Есенқарақызының мерейлі 75 жасына орай «Мен – анамын, ақынмын, әлемді ойлар» атты сыр-сұхбат кеші өтті.
Кешті Шымкент қаласы мәдениет, тілдерді дамыту және архивтер басқармасының басшысы Бауыржан Орынбасарұлы ашып, Ханбибі Есенқарақызын мерейлі жасымен құттықтап, жүрекжарды лебізін білдірді.
Кеш тізгінін кітапхана басшысы, ф.ғ.к. Анар Абусайылқызы өз қолына алып, кітапхана қызметкері, айтыскер ақын Мейіржан Жарылқап Ханбибі Есенқарақызына арнау арнап, «ALQA» әдеби бірлестігінің өнерлі жастары композиция орындады. Әрмен қарай жазушының «Жібек» повесінен Көзі көрмейтін және әлсіз көретін оқырмандарға арналған арнайы кітапхана қызметкерлері көрініс қойып, Қазақстан композиторлар одағының мүшесі, республикалық байқаулардың лауреаты, әнші-композитор Құралай Сәтмұхамбетова кеш кейіпкерінің сөзіне жазылған «Алтынай», «Көңілгүл» әндерін орындап, кеш көркін қыздыра түсті.
https://www.facebook.com/100064780246885/videos/780775257544583/
