Бұқаралық ақпарат құралдарының қоғамда алатын орны қашанда ерекше. Қаламын қару еткен журналистер – жаңалықтың жаршысы, билік пен бұқара арасындағы алтын көпір.
Бүгін Әл-Фараби кітапханамызда «Мерзімді басылымдар бөлімінің» ұйымдастырумен 28 маусым – Бұқаралық ақпарат құралдары қызметкерлері күніне орай «Журналистер – жаңалықтың жаршысы, жақсылықтың хабаршысы» тақырыбында журналистермен кездесу кеші өтті.
Мерекелік кездесу кітапхана директоры Жаппарқұлова Анар Абусайылқызының алғы сөзімен басталды.
Кешке «Шымкент келбеті» газетінен «Аманат» партиясының белді мүшесі Гүлжазира Сәрсенбиева, «Қызмет» газетінің журналисі Мақпал Ибраева, «Айғақ» телеарнасының тілшісі Аружан Маттай қатысып, журналистердің қоғамдағы ролі, қызығы мен шыжығы толы мамандықтың қыр-сырымен тереңірек таныстырып, оқырмандарға ақпарат берді.
Әрдайым ақпараттық қолдау көрсеткені HanTv Telearnasy, Айғақ Медиа, Ontustiktv Ontustiktv телеарналарына алғыс білдіреміз.
Кеш модераторы – кітапхана қызметкері Санат Пазыл.
