Әл-Фараби атындағы қалалық ғылыми-әмбебап кітапханасының кітап қорына тарихшы, этнолог, түркітанушы, ғалым, «Қазақтану» ғылыми-зерттеу орталығының директоры, түркі дүниесіне қатысты көптеген тарихи мәдени шаралардың ұйымдастырушысы Мұхитхан Үмбетұлы Миразов жеке кітапханасынан 60-қа жуық кітаптар мен газет-журналдарды сыйға тарту етті.
Атап айтсақ, авторлық «Түркі өркениетіндегі қазақ тарихы» кітабы, Дүкен Мәсімханұлың «Еуразиялық өркениет», «Азаттығым мен қазақтығым», Жұмабек Мұқановтың «Әйтеке бидың ақ жолы», т.б. тарихшылар мен әдебиетшілерге, бүгінгі жас буын зерттеушілерге, жалпы тарихи тақырыпқа қызығушы көпшілік оқырманға арналған кітаптар мен газет-журналдар.
Кітапхананың қалың оқырмандары атынан тарихымыз бен тұлғаларымыз туралы құнды кітаптар мен мерзімді басылымдар үшін Мүхитхан Үмбетұлына алғыс білдіреміз.
