ҚАСИЕТТІ ӨНЕР ДАРЫҒАН ҚАРАБДАЛОВ
Әл-Фараби атындағы қалалық ғылыми-әмбебап кітапханасында суретші, өнертанушы, этнодизайнер, сазсырнайшы, қобызшы Кендебай Қарабдаловтың туғанына 65 жыл толуына орай «Қасиетті өнер дарыған Қарабдалов» атты кеш өткізілді.
Кешті Шымкент қаласы мәдениет, тілдерді дамыту және архивтер басқармасының басшысы Орынтаев Бауыржан Орынбасарұлы ашып, кеш кейіпкерін мерейтоймен құттықтады.
Іс-шарада Кендебай Қарабдаловтың курстас жолдастары Евгений Кан, Вячеслав Останкович және Николай Шкарупа, замандасы Шолпан Бейсенбаева, Шымкент қаласы суретшілер одағының төрағасы Әбдімүтәліп Ахметов, суретшілер одағының мүшелері Ш.Алимкулова, С.Ахметова, фантаст-жазушы Сарманбай Исақ, Отырар аудандық мәдениет үйінің суретшісі Әділхан Мәлік, ақын Нұрғали Сердәлиев, Отырар аудандық орталықтандырылған кітапханалар жүйесінің кітапханашылары М.Шәріпбекова және Ж. Серікқызы, Ә.Қастеев атындағы өнер және дизайн колледжінің оқытушысы Р.Темірханова, кітапханашысы Г.Асылбековалар кеш авторы туралы жылы лебіздерін ортаға салды.
Шымкент Университетінің, Ә.Қастеев атындағы өнер және дизайн колледжінің студенттері, Б.Өтеп атындағы мамандырылған мектеп-интернатының оқушылары шараға қатысып, өнер көрсетті.
Кешті кітапхана қызметкері, айтыскер-ақын М.Жарылқап жүргізсе, кітапхана директоры, ф.ғ.к Жаппаркулова Анар Абусайылқызы қорытындылады.
