«ӨНЕГЕЛІ ҰРПАҚ» АПТАЛЫҒЫНДА МӘДЕНИЕТ ӨНЕРПАЗДАРЫ ҚАРТТАР ҮЙІНЕ БАРДЫ!
Мемлекет басшысының тапсырмасымен республика бойынша «Таза Қазақстан» экологиялық акциясы аясында “Өнегелі ұрпақ” апталығы жалғасуда.
Бұл апта — «Өнегелі ұрпақ» деп аталады. Бұл апталық аясында ардагерлердің аулалары мен қарттар үйінің аумақтары тазаланады, абаттандырылады. Осы орайда Мәдениет Басқармасына қарасты Шымкент Мәдениет ұжымы Шымкент қаласы жұмыспен қамту және әлеуметтік қорғау басқармасының «№10 арнаулы әлеуметтік қызметтер көрсету орталығы, яғни Қарттар үйіне арнайы барып, мерекелік көңіл күй сыйлады.
Ондағы мақсат — қаладағы жалғыз ілікті қарттарға, ардагерлерге, қарттарға көмектесіп жылулық сезімін жеткізу, сол арқылы басқаларға өнеге көрсету. Өйткені, «Атаңа не қылсаң, алдына сол келеді» – дейді қазақ, сондықтан қай уақытта болмасын ересектерді сыйлап, керек кезде қол ұшын созып, үлкенге ілтипат, кішіге қамқорлық көрсету – дәстүрлі үрдіс.
Ал апта барысында мүмкіндігінше қаладағы көмекке мұқтаж қарттардың барлығын қамту қарастырылған.
