«ӨНЕГЕЛІ ҰРПАҚ» АПТАЛЫҒЫНДА МӘДЕНИЕТ ҚЫЗМЕТКЕРЛЕРІ ТЫЛ АРДАГЕРЛЕРІНЕ АРНАЙЫ БАРЫП, ҚҰРМЕТ КӨРСЕТТІ!
Мемлекет басшысының тапсырмасымен республика бойынша «Таза Қазақстан» экологиялық акциясы аясында “Өнегелі ұрпақ” апталығы жалғасуда.
Осы орайда бүгін Мәдениет Басқармасының ұйымдастыруымен «Өнегелі ұрпақ»апталығы аясында тыл ардагері Муртазина Галина Ахметовнаның үйіне арнайы барып, ауласын тазалап, сыртқы қақпасы сырланып, сый сыйапат көрсетілді.
Мәдениет басқармасы басшысының орынбасары Қуаныш Ғалымжанұлы:
—“Отан үшін еңбек етіп, ауыр бейнеттің зейнетін көріп жүрген сіздердей ардагер апаларымызға құрмет көрсету біздің, өскелең ұрпақтың міндеті. Ғұмырыңыз ұзақ болып, әрқашан жарқырап жүре беріңіз!”- деп ізгі тілегін жеткізді.
Ондағы мақсат - қаладағы жалғыз ілікті қарттарға, ардагерлерге, қарттарға көмектесіп жылулық сезімін жеткізу, сол арқылы басқаларға өнеге көрсету. Өйткені, «Атаңа не қылсаң, алдына сол келеді» – дейді қазақ, сондықтан қай уақытта болмасын ересектерді сыйлап, керек кезде қол ұшын созып, үлкенге ілтипат, кішіге қамқорлық көрсету – дәстүрлі үрдіс.
