ҰМЫТЫЛМАС ЕРЛІК
Кітапханамызда Ұлы Жеңіс мерекесі қарсаңында халық қаһарманы Рақымжан Қошқарбаевтың туғанына – 100 жыл толуына орай «Ұмытылмас ерлік» атты патриоттық кеш өтті.
Іс-шараның мақсаты оқырман қауымды Халық қаһарманы Рақымжан Қошқарбаевтың өмірі мен қызмет жолы, шығармашылық мұрасы және қайраткерлік тұлғасымен таныстыру. Кітапхана қорындағы шығармаларын көпшілік оқырманға насихаттау.
Кеш қонақтары: Әскери медицина қызметінің полковнигі, дәрігер Абилдаев Байғозы, №80 мектеп-лицейінің тарих пәнінің мұғалімі Бөрібеков Мұқит Сапарбекұлы, Төтенше жағдайлар департаментінің қызметкерлері, Б.Өтеп атындағы мамандандырылған «Өнер» мектеп-интернатының ұстаздары.
Шара барысында халық қаһарманы Рақымжан Қошқарбаевтың өмірбаяны жайлы бейнеролик көрсетіліп, №90 Дарынды балаларға арналған мамандандырылған мектеп-гимназиясының оқушылары әдеби композиция оқып, «Тағзым етеміз саған, Жеңіс солдаты!» атты кітап көрмесі ұйымдастырылды.
Шараны кітапханамыздың директор орынбасары Гулмира Батырбайқызы қорытындылап, кеш қонақтары мен шараға белсене қатысқан оқырмандарға Алғыс хаттар табыстады.
