Кітапханамызда шет тілі секторының ұйымдастыруымен, ғалым-академик Қаныш Сәтбаевтың туғанына - 125 жыл толуына орай «Қаныш Сәтбаев – тұңғыш академик» атты тарихи-танымдық кеш өтті.
Кешке Ө.Жәнібеков атындағы Оңтүстік Қазақстан педагогикалық университеті «Жаратылыстану» факультеті, «География» кафедрасының аға оқытушысы Налмишова Қызбибі Нұржанқызы, М.Әуезов атындағы Оңтүстік Қазақстан Университетінің «Жаратылыстану ғылымдары және педагогикасы» жоғары мектебінің «Биология және география» кафедрасының аға оқытушысы Ибраимова Ақсұлу Қалдыбекқызы қатысып, қазақтан шыққан біртуар ғалым Қ.Сәтбаев туралы оқырмандарға ақпарат беріп, артында қалдырған ғылыми мұраларымен таныстырып, өз пікірлерін білдірді.
Шара барысында оқырмандар Қ.Сәтбаевқа арналған арнауларды оқып, бейнеролик тамашалап, викториналық сұрақтарға жауап берді.
Кеш модераторы — кітапхана қызметкері Санат Еңсебекұлы.
