“АДАЛ АДАМ-АДАЛ ЕҢБЕК-АДАЛ ТАБЫС”

“АДАЛ АДАМ-АДАЛ ЕҢБЕК-АДАЛ ТАБЫС”

Шымкент қаласы Мәдениет,тілдерді дамыту және архивтер басқармасының қолдауымен және қала кітапханаларының ұйымдастыруымен Әл-Фараби атындағы қалалық ғылыми-әмбебап кітапханасында “Адал адам-Адал еңбек-Адал табыс” атты Ұлттық Құрылтайды қолдау аясында “Салиқалы ұрпақ - Ұлт болашағы” тақырыбында зиялы қауым өкілдерінің басқосуы өтті.

Шараның мақсаты 2024 жылғы 15 наурызда Президент Қасым-Жомарт Кемелұлының төрағалығымен Атырау қаласында өткен Ұлттық Құрылтайдың үшінші отырысындағы өзекті мәселелерді зиялы қауым өкілдері, ақын-жазушылар және кітапханашылар арасында талқылау.

Шараны Мәдениет, тілдерді дамыту және архивтер басқармасы басшысының орынбасары Мөлдір Убайдуллақызы ашып, бүгінгі басқосудың маңызы мен мазмұнын айтып өтті.

Басқосуға келген зиялы қауым өкілдері мен қонақтарды кітапхана директоры Анар Абусайылқызы таныстырып, жиынның мақсаты мен мүддесін ортаға салды.

Келелі басқосуды Тарих ғылымдарының кандидаты, доцент Нартбаев Шымырбай Жақсыбайұлы жүргізіп отырды.

Ұлттық Құрылтайдың 3 отырысында айтылған баяндамаларды талқылауда сөз алған зиялы қауым өкілдерінен Қазақстан Жазушылар одағы Шымкент қаласындағы өкілетті өкілі - ұйым төрағасы Момбек Әбдіәкімұлы, Шымкент қалалық Кәсіподақ Ұйымының төрағасы Әлтеев Бауыржан, “Дарын” жастар сыйлығының иегері, Ұлттық Құрылтай мүшесі Байтуов Біржан, ардагер ұстаз Клара Лаханқызы, ақын Сатыбалды Қосалыұлы өз ойларын ортаға салды.

Қалалық Қоғамдық кеңестің төрағасы Бауыржан Ілімшеұлы өз кезегінде: Наурыз мейрамын он күн тойлауды қолдайтынын және бір нұсқамен қатып қалмай, ұлтымыздың әрбір құндылықтарын насихаттап отыруды ұсынды. Онымен қоса, “Лайықты еңбек - Лайықты табыс - Лайықты өмір” атты өз ұсынысын айтты.

Айтыскер ақын Байтуов Біржан: Ұлттық мүдде жолында “Серпін” бағдарламасы бойынша Оңтүстіктен Солтүстікке көшу бағдарламасын қолдайтынын, оны іске асыру барысында біршама өзгерістер енгізу керектігін жеткізді. Қаламызға қазақ тілі мен әдебиетін тереңдетіп оқытатын мектеп керек екенін, ол үшін соңғы үлгіде салынып жатқан “жайлы мектептердің” бірін ұсынатынын айтты.