ӘЛЕМНІҢ ЖАРЫҒЫ ӘЙЕЛДЕР
Кітапханамызда журналист, жазушы, ақын “Мықты әйел” кітабының авторы Жүнісова Фатима Забурақызының “ӘЛЕМНІҢ ЖАРЫҒЫ ӘЙЕЛДЕР” атты шығармашылық кеші өтті.
Шығармашылық кеште Қазақстан Журналистер одағының, Әлем Халықтары Жазушылар одағының мүшесі Фатима Забурақызының “Менің әкем ең жақсы адам”, “Жарық ғалам” және “Мықты әйел” атты кітаптары бойынша, жалпы шығармашылығы жайлы пікірлер айтылды.
Кеш тізгінін кітапхана директоры, ф.ғ.к. Анар Абусайылқызы алып, кеш қонақтарына кезегімен сөз ұсынып, сүбелі сұхбат жасап отырды.
Кітапхана қызметкерлері ақынның жырларынан шашу шашып, белгілі композитор Құралай Сәтмұхамбетова, ҚР қайраткері Айжан Тәженова, сазгер, ақын Арайлым Саттарова, ұстаз, әнші Айжан Арыстанбекова әндерін әуелете шырқады.
Шығармашылық кештің құрметті қонақтары белгілі драматург, жазушы Сая Қасымбек, “Әділ билер” республикалық қоғамдық бірлестігінің төрағасы Серік Ергебеков, журналист Ділдәгүл Нұрмаханбет сөз алып, кеш иесінің өмірі мен шығармашылығына кеңірек тоқталды. Өзбекәлі Жәнібеков атындағы ОҚУ мен "Al-Farabi Bilim" мектебінің оқушылары және кітапхана қызметкерлері ақын шығармашылығынан әдеби композиция оқыды.
https://www.facebook.com/100064780246885/videos/7242982909082050/
