САХНАҒА СӘН БЕРГЕН - САЯ
Сахнаға сән берген дарынды драматург, жазушы, ҚР Мәдениет қайраткері Сая Қасымбек 60 жасқа толды!
Туған күнімен тұспа-тұс келген сыр-сұхбат кеште мерейтой иесінің сан қырлы өнері көпшілік қауымға тағы бір көрінді.
Кеш тізгінін алған Қазақстанның Құрметті журналисі Асхан Майлыбаева алғашқы сөзді кітапхана директоры, ф.ғ.к. Анар Абусайылқызына берді.
Ж.Шанин атындағы қазақ академиялық драма театрының ардагер әртістері мен ұжымы Сая ханымды арнайы құттықтап, ақжарма тілектерін айтты. Театр әртістері жазушының “Атжалман ғасыр” спектаклінен үзінді қойды.
”Құрмет” орденінің иегері, жазушы Шойбек Орынбай бастаған зиялы қауым мен кітапхана оқырмандары “Саяның сырлы әлемінен” сыр тыңдады.
Кітапхана қызметкерлері қадірлі жазушының қаламынан туған “қара пеш” туралы таңғы жазбаларынан үзінділер оқып, “Анамның ақ жаулығы” атты дефиле көрсетті.
