Жаңа кітаппен танысыңыздар
Әл-Фараби атындағы қалалық ғылыми-әмбебап кітапханасының қоры Қазақстан Жазушылар және Журналистер одақтарының мүшесі, профессор, «Құрмет», екінші дәрежелі, «Еңбек Даңқы» ордендерінің, «Мәдениет саласының үздігі», «Ең үздік өлкетанушы», «ҚР еңбек сіңірген қызметкері» атақтарының иегері Момбек Әбдіәкімұлының «Жаманқара батыр» атты жаңа кітабымен толықты.
Кітап ХІХ ғасырда оңтүстік қазақтарын басып алып, 56 жыл бойы билеген Қоқан хандығының кезінде ата-бабаларымыздың қандай күй кешіп, қалай өмір сүргені туралы тарихқа арналған. Мұнда оңтүстік өңірде өмір сүрген Жаманқара батырдың, сонымен бірге майдандас болған Сапақ, Мұсабек, Бабай сияқты ерлердің Қоқан басқыншыларына қарсы күресі баяндалады. Сол уақыттағы Алаш баласының тұрмыс-тіршілігі мен ауыр тағдыры, мұң-қайғысы да көркем тілмен жазылған.
Кітап Қазақстанның тарихи өткеніне қызығушылық танытатын кез келген оқырманға арналған.
