Адам құқықтары күніне орай «Сен өз құқығыңды білесің бе?» атты заң қызметкерлерімен кездесу кеші өтті.
Іс-шараға қалалық соттың баспасөз қызметінің маманы Қабыл Дүйсенби, Шымкент қаласының кәмелетке толмағандардың істері жөніндегі мамандандырылған ауданаралық сотының судьясы Болат Ерменбайұлы Қарабаев қатысып, Қазақстан Республикасы Конституциясының баптарымен таныстырып, адам құқықтарының жалпыға бірдей деклорациясының баптары жайлы ақпарат берді.
Адамгершілік ізгі қасиеттер мен ар-ождан бостандығы, адалдық пен мейірімділік туралы ой қозғады.
Шараға қатысушы оқырмандар да ойларын ортаға салып, қонақтарға сұрақтар қойып, толық жауаптарын алды.
Іс-шараға келіп, жастарға өз пікірін айтып, тұжырымды ойларымен бөліскен заң қызметкерлеріне кітапхана директорының орынбасары Асылзат Оспанқызы алғыс білдірді.
