Қабиболла Сыдиықов атындағы Маңғыстау облыстық әмбебап кітапханасының 50 жылдығына орай іс-шара өтіп жатыр
Бүгін 12 қазан Ақтау қаласында Қабиболла Сыдиықов атындағы Маңғыстау облыстық әмбебап кітапханасының 50 жылдығына арналған іс-шараның және Қазақстандық Кітапханалық Одақтың көшпелі жұмыс отырысының бірінші күні басталды. Оған Шымкент қаласы кітапханаларының атынан Әл-Фараби атындағы қалалық ғылыми-әмбебап кітапханасының директоры, филология ғылымдарының кандидаты Жаппаркулова Анар Абусайылқызы қатысып жатыр. Іс-шара Маңғыстау облысы мәдениет басқармасының басшысы Байпақов Әбілқайыр Жанайұлының сөзімен ашылды.
Шара барысында ҚР Президенті Қасым-Жомарт Тоқаевтың 2023 жылғы 1 қыркүйектегі «Әділетті Қазақстанның экономикалық бағдары» атты Қазақстан халқына Жолдауын талқылау, «KazAID» Қазақстандық халықаралық даму агенттігінің қызметі туралы, «Ұлттық рухани жаңғыру» Ұлттық жобасының «Оқитын ұлт» жобасы шеңберінде халықтың кітап оқу белсенділігін арттыру, «Жыл кітапханашысы» мәртебелі атағымен марапаттау және кітапхана ісіне байланысты өзекті мәселелер қарастырылатын болады.