Биылғы жылы екінші рет аталып өткелі отырған «24 қазан – Кітапханашылар күніне» орай еліміздің бас қаласында мерекелік салтанатты кеш өтуде. Өңірлік кітапханалар қатарында Әл-Фараби атындағы Шымкент қалалық ғылыми-әмбебап кітапханасы да өзінің үздік жобаларын қорғауда.
Дәл осы салтанатты кеш аясында Әл-Фараби атындағы Шымкент қалалық ғылыми-әмбебап кітапханасы директорының орынбасары, ұзақ жыл кітапхана саласында жұмыс істеген еңбеккер маман Асылзат Оспанқызы ҚР Мәдениет және ақпарат министрі Аида Балаеваның қолынан «Мәдениет саласының үздігі» төсбелгісімен марапатталды.
Саналы ғұмырын кітапхана жұмысының өркендеуіне арнап келе жатқан Арыстанова Асылзат Оспанқызын бүгінгі марапатымен шын жүректен құттықтаймыз! Алдағы уақыттағы істеріңіздің табысты болуына тілектестік білдіре отырып, сізге қажымас мол қайрат, зор денсаулық, отбасыңызға амандық тілейміз!
