ТАНЫСЫҢЫЗДАР ЖАНА КІТАПТАР!
Әл-Фараби атындағы қалалық ғылыми-әмбебап кітапханасында «Отбасы хрестоматиясы» жобасының авторы, шығыстанушы, ағартушы Санжар Керімбайдың «Қуыскеуде» атты кітаптын тұсаукесері өтті.
Отбасымен оқуға арналған кітапта ХХІ ғасырдың ең үлкен проблемасына айналған экзистенциялық фрустрацияға ұшырап, іштей ыдыраудың азабына шегу қазақ қоғамында пайда болу мен таралу себептеріне анализ жасалады. Кітап қазақ мәдениеті мен танымына қызығатын оқырмандарға арналады.
Іс шара барысында мемлекет және қоғам қайраткері, өмірінің соңына дейін халықтың жоғын жоқтап, мүддесін қорғап, елдің болашағы үшін ерен еңбек сіңірген біртуар тұлға Балташ Молдабайұлы Тұрсұмбаев туралы жазылған «Балташ Тұрсұмбаев туралы естеліктер» атты кітап сыйға тартылды.
Бұл кітапта Балташ Тұрсұмбаев туралы естеліктер мен берген сұхбаттарының бірқатары жинақталған. Кітапты табыстаған Ордабасы ауданының мәслихат депутаты Ғабит Оразымбетов.
