"Kitap Time — 2023" II жалпы республикалық кітап фестивалі
"Kitap Time — 2023" II жалпы республикалық кітап фестивалі аясында кітапханамыздың фотозонасында ақын арулар Жамал Жүрсінбек, Сезім Мергенбай және Аружан Яхудамен Book Party өткізілді.
Жырдан жақұт шашып, маржан төгіп, мейірімін құйып тұратын ақын аруларымыздың шығармашылығының негізгі өзегі, мәңгілік тақырыптары махаббат екеніне тағы бір рет көз жеткіздік.
Шара барысында ақын аруларға қойылған сұрақтар — кеш көркін одан сайын қыздыра түсті. "Ақынға қара сөзден өлең оңай" дегендей-ақ, ақын арулардың жауабы өлеңмен өрілді.
Әдебиет әлеміне дендеп кіріп, өз есімдерін поэзия тарихында қалдыруға бағыт сілтеген аяулы ақындарымыздың әрбіріне кітапхана қызметкерлері дайындаған, өз өлеңдерінен құралған жинақ ұсынылды.