ҮЗДІК ОҚЫРМАНДАРМЕН САЯХАТ
Кітапханамыздың қолдауымен, көрмелік-бұқаралық сектор бөлімінің ұйымдастыруымен оқырмандарымызбен саяхат-тур жасалды!
Тур-саяхат Ұлылар отаны - Отырардан басталды. Алдымен Әл-Фараби атындағы Руханият мұражайын тамашалап, Отырар аудандық археологиялық қорық-мұражайға барды. Оңтүстік өлкесінің, өр тұлғалары мен замана заңғарларының тарихын танылып, еңбектері таныстырылды. Ары қарай Ұлы Жібек жолының бойындағы теңдессіз қалалардың бірі болған Отырар қала-жұртын көріп, тыныс-тіршілігі таңдай қақтыратын ежелгі дәуір мәдениетін тамашалады.
Түскі үзілістен кейін - Түркі халықтарының түп отаны Түркістанға табан тіреді. Алдымен, түстіктегі әріптесіміз - Фараб кітапханасын аралап, заманауи үлгідегі сан-салаларын аралап, қалтқысыз қызметтеріне куә болдық. Қожа Ахмет Иассауи кесенесіне зиярат жасап, Әмір Темір салдырған алып ғимаратты көзбен көрдік. Сапарымыздың соңғы нүктесі - кешкі Керуен сарайы болды. Орта ғасырлық өркениет үлгісімен салынған кешен көптің көңілінен шыққаны белгілі. Осындай тарихи-тағылымды Оңтүстік өлкесінің бір бөлігін үздік оқырмандарымызбен бірге аралап қайттық
Осымен Шымкент қаласының кітап сүйер, әдебиетке құштар бір топ жастарының тур-саяхаты мәресіне жетті. Алдағы уақытта басқа да оқырмандарымызға үлгі болсын, келесі оқырмандардың баруына сеп болсын деп азды-көпті бейнесюжет ұсынамыз!
https://www.facebook.com/100064780246885/videos/780050276937640/
