Әл-Фараби атындағы қалалық ғылыми-әмбебап кітапханасының қоры Ұлы Жібек жолындағы ежелгі Сауран шаһарының қасиетті топырағына кіндік қаны тамған танымал тұлға, тәуелсіз Қазақстанға еңбегі сіңген, айтулы экономист, белгілі мемлекет және қоғам қайраткері Оралбай Әбдікамалұлы туралы жазылған «Саураннан шыққан тұлға Оралбай Әбдікамалов» атты эссе кітабымен толықты.
Кітапты құрастырып, әдеби өңдеп, баспаға әзірлеген және кітапханаға тарту еткен ауылдасы, Қазақстан Журналистер Одағының мүшесі Нассень Ілиясұлы Қожабай.
Бұл кітапта мағыналы әрі мазмұңды ғұмыр кешкен Оралбай Әбдікамалұлының отбасы мен әулет мүшелерінің, көз көрген, қызметтес болғандардың өзекжарды естеліктері, пікірлері және оның ғылыми еңбектері, мақалалары, жеке шығармашылық өнері топтастырылған.
Кітап жалпы оқырман қауымға арналған.
