«Кітапханаға кітап сыйла!» акциясы жалғасын табуда.
Әл-Фараби атындағы қалалық ғылыми-әмбебап кітапханасының қорына жерлесіміз, ұстаз, этнограф-ғалым, журналист, ҚР Мәдениет саласының үздігі» Мырзабай Еркінбайұлы ОМАР жеке кітапханасынан 70-ке жуық кітаптарын сыйға тарту етті. Ұзақ жылдар бойғы тірнектеп жинаған сан-салалы тақырыптардағы кітаптары, сондай-ақ өзі басқаратын «Таңбалы» баспасынан жарық көрген оқу құралдары, ғылыми-әдістемелік жинақтар мен түрлі саладағы арнайы әдебиеттер, монографиялар т.б. зерттеу еңбектер бар.
Атап айтсақ, Д.Ысқақұлының «Мәңгілік майдан», Г.Пірәлиева «Қазақтың ғалым қыздары», С.Иманбердиева «Тарихи ономастикалық кеңістік», А.Мәуленов «Фольклор және түркі халықтары әдебиетіндегі мифология», И.Жеменей «Иран қазақтары», «Қазақша-французша, французша-қаазақша сөздік» (фразеологиялық оралымдар), құнды оқулықтар, т.б. дүниелер біздің оқырмандар үшін аса қажет саналады.
Кітапхана басшылығы атынан жерлесімізге алғысымызды білдіреміз.
