ЖАРҚЫН ЖҮЗДЕСУ
28 маусым - Бұқаралық Ақпарат Құралдары қызметкерлері күні. Осыған орай кітапханамызда жас журналистермен кездесу өтті. Өңіріміздегі “Отырар” арнасынан Мөлдір Ибадулла, “Айғақ” арнасынан Салтанат Рүстембек қатысқан жиында мәртебелі мамандардың қоғамдағы ролі мен қызығы мен шыжығы толы журналистік өмірден естеліктер айтылды.
Шара барысында кітапханамыздың директор орынбасарлары Асылзат Оспанқызы мен Гүлмира Батырбайқызы жас журналистерді мерекелік алғыс хатпен құттықтап, бағалы сыйлықтар тапсырып, қызметтеріне абырой мен адалдық, шығармашылық табыс тіледі!
Қазақтың заңғар жазушысы Шерхан Мұртаза атамыз “жегені жантақ, арқалағаны алтын” - деп баға берген жандардың қазіргі қоғамдағы орны өзекті. Ендеше, кітапханамыздың атынан мәртебелі мамандарды кәсіби мерейлі мерекесімен шын жүректен құттықтаймыз!
