ЖАЗУШЫНЫ ЖАДЫМЫЗДА ЖАҢҒЫРТУ
Бүгін кітапханамызда заңғар жазушы, көрнекті журналист, дарынды драматург Мархабат Байғұт ағамызды еске алуға арналған "САҒЫНЫШҚА АЙНАЛҒАН СУРЕТКЕР” атты кеш өтті.
Шараға қаламгердің замандас-қаламдастары, зиялы қауым өкілдері, ұл-қыздары мен туыстары, мәдениет саласының қызметкерлері мен ізін жалғар ізбасар жастар келді.
Еске алу кеші Шымкент қаласы мәдениет, тілдерді дамыту және архивтер басқармасының қолдауымен, кітапхана директоры, ф. ғ. к. Анар Абусайылқызының алғысөзімен ашылып, көз көрген замандастарының естелік сөздерімен жалғасты.
Шара барысында қаламгердің шығармаларынан үзінділер оқылып, Мархабат ағамызға арналған “Әдебиет әлемі әдемі” атты поэзия және эссе байқауының жүлдегерлері марапатталды.
