“Мәдениет - ұлттың қуаты” атты art-кездесу өтті
Бүгін кітапханамызда 21 мамыр — Мәдениет және өнер қызметкерлері күніне орай “Мәдениет - ұлттың қуаты” атты art-кездесу өтті.
Шараның шымылдығын ашып, алғысөзін кітапхана директоры Анар Абусайылқызы айтып, барша мәдениет қызметкерлерін кәсіби мерекесімен құттықтады.
Әрмен қарай саналы ғұмырын кітапхана ісін дамытуға арнаған ардагер кітапханашы Ғалия Сейітқызы сөз жалғап, Қазақстан суретшілер одағының Шымкент қалалық филиалының төрағасы, суретші Ахметов Әбдумүтәліп Мұстафаұлы әңгіме өрбітті.
Келесі кезекте Ж.Шанин атындағы академиялық қазақ драма театрының актерлері: ҚР мәдениет саласының үздігі Баимбетова Қапиза мен театр және кино актері Аралбаев Дүйсебек сөз сөйлеп, қонақ кәде тарту етті.
Шара барысында Шымкент қалалық Мәдениет үйінің әншілері, дәстүрлі ән өнері мен жыр-термемізді жаңғыртып жүрген Тәттімбет Керей мен Тұрар Әлменовтер кеш көркін қыздыра түсті.
21 мамыр — Мәдениет және өнер қызметкерлері күніне орай мәдениет майталмандарының бас қосуымен өткен мерейлі жиында көпшілік көрерменге өнердің сан түрлі саласы жайында мол мағлұмат берілді.
Кеш модераторы — Санат Еңсебекұлы.
#Alfarabikitaphanasy2023