Әл-Фараби қалалық ғылыми-әмбебап кітапханасының қоры детектив жазушы, Ұлы Отан соғысының ардагері Кемел Тоқаевтың туғанына 100 жыл толуына орай «Ана тілі» баспасынан шыққан «Шығармалары» бес томдық және «Жазушы» баспасынан шыққан «Таңдамалы шығармалар» екі томдық кітаптарымен толықты.
Бес томдық «Шығармалары» кітаптарына «Солдат соғысқа кетті», «Соққы», «Ұясынан безген құс» атты романдары, «Түнде атылған оқ», «Тасқын», «Таудағы жаңғырық» сынды повестері және «Жұлдызды жорық», «Солдат кәбірінің басында» т.б. әңгімелері енді. Соңғы бесінші томына түйін сөзі ретінде Қ.Тоқаевтың «Әке туралы ой-толғау» эссесі, сондай-ақ қаламдастары мен замандастарының естеліктері берілді.
Екі томдық «Таңдамалы шығармалары» кітаптарына «Соққы» романы, детектив повестері мен бірнеше әңгімесі енді.
Туындылардың оқиғасы қою, тілі көркем.
Оқырман көңілінен шығары сөзсіз.
