Халық ақыны, «Парасат» орденінің иегері Әселхан Қалыбекованы еске алу және ақынның ұлы Айбол Құрманбектің «Арыстанбаб» кітабының тұсаукесер кеші өтті
Кітапханамызда Халық ақыны, «Парасат» орденінің иегері Әселхан Қалыбекованы еске алу және ақынның ұлы Айбол Құрманбектің «Арыстанбаб» кітабының тұсаукесер кеші өтті.
Еске алу кеші Шымкент қаласы мәдениет, тілдерді дамыту және архивтер басқармасының бөлім басшысы Бауыржан Орынбасарұлының алғысөзімен бастау алып, «ALQA» әдеби бірлестігінің мүшелері орындаған ақын апамыздың өлеңдерінен құралған әдеби композициямен өз жалғасын тапты.
«Айтыстың аруанасы» атанған Әселхан Қалыбекованының өмірдегі, өнердегі шәкірттері ақын, «Құрмет» орденінің иегері, Б.Өтеп атындағы өнер мектеп-интернатының директоры Маржан Есжанова, Әл-Фараби атындағы қалалық ғылыми-әмбебап кітапханасының директоры, ф.ғ.к Анар Жаппарқұлова жүрек түкпіріндегі жарқын естеліктерімен бөлісті.
ҚР Еңбек сіңірген қызметкері, әнші, сазгер, Бәйдібек ауданының құрметті азаматы Нышан Төлегенов ақын апамыздың сөзіне жазылған «Арыстанбаб» әнін нақышына келтіре орындап, көпшілік көрерменнің көңіліне жол тапты.
Шараның екінші бөлімінде Айбол Құрманбектің «Арыстанбаб» кітабы жайлы ОҚМПУ доценті, ф.ғ.к Қарлығаш Жылқыбайқызы және кітапхана қызметкері Ешімов Тұрсынбай өз пікірлерін білдірді.
Отырар аудандық тілдерді дамыту орталығының директоры Жаппаров Бағлан, Отырар ауданының құрметті ардагері Жаппарқұлов Рысқұлбек, Жаппарқұлов Пернехан және т.б қадірлі азаматтар келелі кештің куәсі болды.
#Alfarabikitaphanasy