«Шет тілін білу - заман талабы»
Әл-Фараби атындағы қалалық ғылыми - әмбебап кітапханасының "Шет тілі" бөлімінде «Шет тілін білу - заман талабы» атты кездесу кеші өтті.
Кешке Шымкент каласындағы химия-биология бағытындағы Назарбаев зияткерлік мектебінің «ағылшын тілі» пәнінің мұғалімі Худайкул Гаухар Алайдарқызы, М.Х.Дулати атындағы үш тілде оқытатын мамандандырылған №8 мектеп - гимназиясының «ағылшын тілі» пәнінің мұғалімі Сейдулла Ырысбибі Батыркызы, №120 Б.Момышұлы атындағы жалпы орта мектебінің ағылшын тілі пәнінің мұғалімі Жакия Салтанат Талғаткызы катысып, жастарға көп тіл білудің пайдасы турады ойларымен бөлісіп, көрермендермен бірлесе ағылшын тілінде ән айтты.
Сондай-ақ, шара барысында №125 High school жекеменшік мектебінің 10 сынып окушылары Ниетбек Айшабибі мен Елеусіз Дария өздерінің бес тілді еркін меңгергендерін, әлі де көп тіл білуге деген құштарлықтарының ерекше екенін айта келіп, ағылшын, француз, түрік, испан, араб тілдерінде еркін сөйлейтіндерін көрсетті. Көрермен жастар да шараға белсене қатысып, кеш қонақтарына сұрақтар қойып, естелікке суретке түсті.
Шара соңында оқырмандар арнайы жасалған кітап көрмесімен танысты.
