«Наурыз - шексіз мүмкіндіктер мерекесі»
Бүгін «Наурыз Шымкенттен басталады» іс-шарасы аясында «Зияткерлік күні» мерекесі Абай саябағында өтті.
Әл-Фараби атындағы ғылыми-әмбебап кітапханасы, Абай атындағы Шымкент қаласы орталықтандырылған көпшілік кітапханалар жүйесі», Шымкент қалалық көзі көрмейтін және әлсіз көретін азаматтарға арналған арнайы кітапханасымен бірлескен ауқымды мерекеде «Түркі халықтарының рухани құндылықтары және салт-дәстүрлері», «Шымқаланың рухани биіктігі», «Наурыз - шексіз мүмкіндіктер мерекесі» атты кеңейтілген кітап көрмесі қойылды.
Сонымен қатар «Ордабасы», «Жебе» баспаханалары , «Марвин», «Қазына», «Білім» кітап дүкендері, «Нұрлан» баспаханасы, «Қызмет», «Қасиет» баспаханалары өз қызметтерін ұсынды.
«Ойлы болсаң озып көр» зияткерлік байқауы, қаламыздың белгілі қолөнер шеберлерінің Шеберлік сабақтары, «Наурыз- суретшілер көзімен» сурет салу шаралары, «Ұлттық қолөнер-асыл қазына» көрмесі сынды көптеген мерекелік сауықтыру шаралары ұйымдастырылды.
Қаламыздың зиялы қауым өкілдері, ақын жазушылармен сыр- сұқбат өтіп, концерттік бағдарламамен ұласты.
Айшықты мерекемізді ұлықтайтын іс- шара 20 наурыз күні де жалғасын табатын болады.
Сіздерді Абай саябағында күтеміз! 